Апелациониот суд во Скопје ја укинал пресудата од 9 години затвор за поранешниот помошник министер во МВР Ѓоко Поповски кој беше осуден во предметот „Триста“ на Специјалното јавно обвинитество (СЈО) кој се однесува на набавката на 300 возила во министерството.
Предметот е вратен на повторно судење во Кривичниот суд, а на Поповски апелационите судии му одредиле мерка притвор за овој предмет.
Поранешниот помошник министер е осуден и во предметот „Тенк“ на СЈО на четири години и шест месеци. Тој првично за „мерцедесот“ беше осуден на шест години и шест месеци, а потоа Апелација му ја намали казната за две години. Во овој предмет осуден со правосилна пресуда на двегодишна затворска казна е и Никола Груевски. Шест години доби Гордана Јанкулоска, но нејзината пресуда не е правосилна бидејки се очекува второстепениот суд да се произнесе за жалбите.
