Клубовите од Премиер лигата минатата сезона потрошиле 217 милиони фунти за плати на повредени играчи.
Манчестер јунајтед вкупно платил најмногу, односно 23 милиони фунти за своите повредени играчи, но Арсенал со 54 повреди во текот на минатата сезона е клуб кој најчесто плаќал.
Во Њукасл и Манчестер сити се регистрирани 24 повреди, а минатата сезона Брајтон имал најмногу среќа при што се забележани 15 повреди и клубот исплатил три милиони фунти за платите на повредените играчи.
Меѓу повредите најчести се тие на мускулите од задната ложа, а најскапи се повредите на коленото кои просечно клубот го чинат околу половина милион фунти.
Бројот на повреди и трошоци минатата сезона се зголемил за третина во однос на сезоната 2016/17.
ФОТО: EPA/ANDY RAIN
