Сега веќе се знае дека во РСМ има два вида правда, поточно неправда. Првата е кога станува збор за судење на обичен Албанец и за жал има стотици вакви случаи кога Албанците се судени, осудени и задржани во затвор за дела што никогаш не ги сториле. И втората е еднострана „правда“ со која играат разни игри, само за да се спасат корумпираните политичари кои ја крадат државата и ја втурнаа истата во долгови кои ја загрозуваат иднината на нашата земја, реагира Алијанса за Албанците.
– Конкретен случај е кривична постапка поднесена против Љуљзим Алити, член на Алијансата за Албанците, кој е обвинет за споделување на прислушуваните материјали познати како „бомби“, бидејќи се смета за кривично дело. На ист начин постапи и потпретседателот на СДСМ, Мухамет Зекири, кој на својот фејсбук профил објави материјал од прислушуваните разговори на поранешниот министер Блерим Беџети, но против него никој не покрена кривична постапка – велат од Алијансата.
Партијата бара правосудните тела да ги третираат граѓаните на ист начин без разлика дали се на власт или во опозиција, Македонци или Албанци..
