Службеници имале алергиска реакција додека ги пребројувале гласовите пристигнати преку пошта од Србија за изборните резултати во Косово. Пребројувањето на гласовите било прекинато, пренесува агенцијата „Анадолија“.
Девет пациентки биле пријавени денеска околу 12 часот на Инфективна клиника, од кои две биле бремени.
Универзитетскиот болнички центар на Косово соопшти дека пациентките тврделе оти штом ги отвориле ковертите од гласачките кутии, почувствувале непријатен мирис.
Се чека извештај од обвинител и полиција, кои излегле на местото на настанот и вршат истрага.
