Адвокатите Ирена Фрчковска и Дељо Кадиев и денеска во Обвинителството за гонење на организиран криминал и корупција треба да вршат увид во доказите за случајот „Рекет“ против поранешната шефица на СЈО, Катица Јанева, потврдуваат од обвинителството.
Ова ќе биде трет ден како тие ги прегледуваат доказите, а според најавите се очекува да ги видат и оние кои обвинителството ги собрало со ПИ-мерки од следењето на Јанева. Овие докази требаше да се декласифицираат за да можат адвокатите да извршат увид во нив.
Откако одбраната не само на Јанева, туку и на Бојан Јовановски – Боки 13 и Зоран Милески Кичеец, ќе заврши со увидот, ќе може да предложи свои докази, материјални и сведоци.
