Претседателката на собранието на Меѓународниот сојуз на Бојан Јовановски – Боки 13, Агапи Дика, во моментов дава исказ за случајот „Рекет“ во Обвинителството за гонење на организиран криминал и корупција.
Денеска исказ, според најавите, треба да даде и бизнисменот Зоран Азманов.
Досега во случајот беа сослушани повеќе бизнисмени, обвинители и вработени во СЈО, пратеници, градоначалници и др.
Во истрагата засега покрај Јовановски осомничени се и Зоран Милески Кичеец и специјалната обвинителка Катица Јанева. Сите се наоѓаат во притвор во затворот во Шутка.
