13 лица се загинати во тешката сообраќајна несреќа, потврди министерот за здравство Венко Филипче во изјава за медиумите.
Седум починале на лице место, пет во градската болница „8-ми Септември“.
Има и повредена бремена патничка. Повикани се сите медицински екипи во „8-ми Септември“. Меѓу повредените има и возрасни и млади, но не и деца.
– Во ГОБ 8 Септември се примени 25 пациенти од кои 22 се хоспитализирани , 4 се на интензивна нега , двајца се подготвуваат за хируршка интервенција. Во ургентниот центар се примени пет пациенти , тројца со полесно повредени, меѓу кои и една бремена жена која ќе биде пуштена на домашно лекување, едно лице се подготвува за хирирушка интервенција, а едно е во тешка животно загрозувачка состојба – истакна Филипче од Градската општа болница 8 Септември
Во старата градска болница во Скопје, како што рече тој, е хоспитализирано едно лице.
Очевидците велат дека ситуацијата е страотна и дека додека да стигнат ургентните екипи локалното население пружало помош на настраданите.
Несреќата се случила околу 17 часот на автопатот Скопје – Тетово, кај село Лекарци во која се преврте автобус.
На месото несреќата има десетина амбулантни возила и теренот се расчистува.
