На петте вицепремиери ќе им се покачи платата за 8.000 денари, според предлогт кој Владата го достави во Собранието. Ова ќе значи дека вицепремиерите Кочо Аѓушев, Бујар Османи, Хазби Лика, Радмила Шекеринска и Оливер Спасовски ќе добијат покачување на личниот доход.
– Со измените на Законот, коефициентот за утврдување на платата на заменик на претседателот на Владата на Република Македонија ќе се пресметува со коефициент 4,00, наместо 3,70 кој коефициент е утврден за пресметка на платата на член на Владата. Согласно ова, разликата во плата ќе изнесува 8.027 денари месечно во бруто износ, или за 5 заменици на претседателот за 12 месеци 481.620 денари, пишува во предлогот.
