Претседателот на Србија, Александар Вучиќ изјави денес по разговорот со помошникот државен секретар на САД за Европа и Евроазија Вес Мичел дека Србија, кога станува збор за односите на Белград и Приштина, е спремна да разговара за компромиси и дека може да прифати компромисно решение, но понижување на народот и уништување на државата не може.
– Секој компромис е тежок, но затоа мора да го прифатат и другата и третата страна – оцени српскиот претседател.
Вучиќ наведе дека е познато дека Србија и САД немаат исти ставови кога станува збор за односите на Белград и Приштина, но дека е благодарен за поддршката на Мичел за продолжување на дијалогот.
– Мичел, за разлика од многу други, сакаше да слушне што има да каже српската страна. Не се согласуваме околу односите на Белград и Приштина, многуте нешта околу формирањето на косовските безбедносни сили, но согласни сме да ги продолжиме разговорите и благодарен сум за поддршката на САД на патот на Србија кон Европската Унија – кажа српскиот претседател.
