Викторија Бекам поради повреда на ногата деновиве се движи со патерици и ортопедска чизма за имобилизација, поради фрактура на ногата.
Славната дизајнерка објави неколку фотографии на Инстаграм со кои се пошегува со својата состојба. „Состанок за дизајн на обувки на една нога!“, напиша таа на една од фотографиите на кои носи една чевла со висока штикла.
Не се знае дали повредата се случила на скијачки терен. Минатата недела 43-годишната сопруга на Дејвид Бекам беше фотографирана во Лондон непосредно по повредата.
