Возачот на камионот кој висеше над реката Морава во Србија, безбедно е извлечен од кабината, без повреди, но е хоспитализиран во најблиската болница заради превентивни прегледи и претрпениот стрес.
Возачот изгубил контрола над камионот заради замрзнатиот автопат , по што ја пробил оградата на мостот над реката Велика Морава, во реонот меѓу Ќуприја и Јагодина.
Тој три часа висел над реката заробен во возачката кабина. Сега ќе се извлекува камионот, но постои опасност тој да се урне во реката.
