Велика Британија го опиша како перверзен предлогот на Руската Федерација за заедничка истрага во врска со труењето на поранешниот двоен агент Сергеј Скрипал и неговата ќерка Јулија, пренесува Макфакс.
– Предлогот на Русија за заедничка истрага за инцидентот во Солзбери е перверзен, тоа е тактизирање – категорични се британските претставници на Организацијата за забрана на хемиското оружје (ОЗХО). Оттаму додаваат дека на овој начин Москва се обидува да ги избегне прашањата на кои руските власти треба да одговорат.
Организацијата за забрана на хемиското оружје денеска вонредно заседава за случајот со труењето на Скрипал, што се случи пред еден месец, по барање на Русија.
