Извршниот директор и основачот на Фејсбук, Марк Цукерберг, ќе се појави пред Конгресот на САД да одговори на прашања во врска со приватноста и злоупотребата на податоци, но засега не е јасно пред кои комитети ќе сведочи, соопшти доброупатен извор за американски медиуми.
Комитетот за правосудство при Сенатот го покани Цукерберг да сведочи на 10 април, заедно со директорите на компанијата Твитер и Алфабет.
Членовите на Конгресот сакаат одговори за тоа, како податоците на 50 милиони корисници, дошле во рацете на компанијата „Кембриџ аналитика“.
Минатата недела беше откриено дека компанијата „Кембриџ аналитика“, заедно со Фејсбук, на незаконски начин обработила милиони податоци на корисници на таа мрежа во пресрет на американските претседателски избори.
Поради оваа афера вредноста на акциите на Фејсбук на берзите паднаа и компанијата загуби милијарди долари.
