Тропскиот циклон од трета категорија Нора денеска ги погоди северните делови на Австралија, донесувајќи силен ветер и поројни дождови.
Од невремето најтешко е погоден западниот брег на австралиската сојузна држава Квинсленд, каде без електрична енергија остнаа над 230 домаќинства.
Засега нема информации за жртви при налетот на циклонот.
Метеоролозите предвидува дека по пристигнувањето на копното Нора ќе прерасне во невреме од четврта категорија, но движејќи се низ северните делови на Квинсленд циклонот почна да слабее.
Во моментов во жариштето на циклонот дуваат ветрови со брзина од 110 километри, но според метеорилозите, со движењето кон југ, Нора ќе ослабне на невреме од втора категорија.
