Паралелно со најавите за водедување контрамерки кон Македонија од српското Министерство за трговија, голем е притисокот и од српките мелничари поради проблемот со нивниот извоз на брашното во Македонија.
Директорот на Деловната асоцијација на индустриски мелници, пекари и производители на тестенини „Житоунија” од Нови Сад, Здравко Шајатовиќ за денешна Политика изјави дека „Македонија купува време“ поради што тие трпат штети.
– Здружението на мелничари бара од Министерството за трговија да усвои механизам на брзо регирање и воведување на контрамерки (во рок од 48 часа), со цел да ги предупредиме сите слични обиди во иднина – изјави Шајатовиќ.
Според него, македонските медиуми во неделата објавиле дека министерот Расим Љаиќ се противи на воведувањето на мерки на реципроцитет, што е слободна и погрешна интерпретација.
– Наш став е ургентно укинување на правилникот, додека Македонија предлага формирање на заедничка комисија за решавање на ваквите проблеми, што е неприфатливо – истакна Шајатовиќ.
Во насловот на Политика „Доколку ја изгубиме Македонија, извозот на брашното е загрозен“, се објаснува дека српскиот извоз на брашнот во Косово е намален за 80 отсто, а „Македонија осум години се обидува со опкструкции да направи простор за своите мелничари“.
Од Житоунија наведуваат дека 20 отсто од виното кое се продава во Србија е со македонско потекло. – Зарем и ние треба тоа да и го направиме на Македонија и со нивните раноградинарски производи како што се доматот и краставиците, прашуваат од Житоунија.
