Се обраќам Вам тука, но и на сите мои подржувачи ширум земјата. Ви благодарам за резултатот, рече претседателот на Русија Владимир Путин, кој според Централната избирна комисија, по изброени 50 отсто од гласовите е победник на претседателските избори со освоени 75 отсто од гласовите.
Путин веќе ги добива честитките од светските државници.
Портпаролот на Кремљ, Димитар Песков ги оцени вечерва како извонредни резултатите од денешните избори, а претседателката на Советот на федерацијата, Валентина Матвијенко изјави дека изборите се одржале во атмосфера на силен политички и економски притисок врз Русија од Западот
Врз основа на резултатите, Путин на Крим освоил 91,7 отсто од гласовите, 72,6 отсто во Москва, а 79,5 во Санкт Петерсбург.
Рускиот претседател изјави дека победата е резултат на неговата работа и довербата на граѓаните. Вети дека ќе работи за развој на земјата и зачување на единството.
Тој додаде дека е важно единството и дека е добро да ги придобие и оние кои гласале против него.
Фото: ERA/SERGEI CHIRIKOV/MAXIM SHIPENKOV/YURI KOCHETKOV
