Обилни дождови предизвикаа големи поплави во Албанија, додека свлечиштата оштетија голем број патишта, соопштија денеска албанските власти.
Во соопштението на Министерството за одбрана се наведува дека околу 2.800 хектари земјоделско земјиште и пасишта на северозападниот дел од земјата се поплавени.
Поради обилните дождови три хидроелектрани на северот на земјата морале да го испуштат вишокот на вода, по што нивото на голем број реки, вклучувајќи ја и Дрим, пораснало.
Поедини рурални подрачја се без струја, додека неколку куќи и голем број патишта на истокот и југот на земјата се оштетени од свлечишта.
Според метеоролозите, дождот би требало да престане во наредните неколку дена.
