Редовен ремонт на нуклеарната електрана „Кршко“ започна синоќа со исклучување на електраната од електроенергетска мрежа, а се предвидува комплексниот ремонт да трае малку помалку од еден месец. Нуклеарката би требало да биде вклучена во мрежа на крајот на април.
– Предвидено е комплексниот ремонт да трае нешто помалку од еден месец или до крајот на април, изјави директорот на нуклеарната централа Стане Рожман.
Тој изјави дека работите ќе чинат 100 милиони евра, а „Кршко“ ќе ги покрие од сопствени средства.
Во тој период ќе се модернизира и ќе се вложи доста во безбедноста.
Замената на нуклеарното гориво ќе чини околу 46 милиони, трошоците на сите услуги се проценети на околу 32 милиони, а опремата околу 22 милиони евра.
Во ремонтот на нуклеарката, чии ко-сопственици се словенечката Ген енергија и Хрватското електростопанство , ќе работат 600 вработени во НЕК и околу 1.200 надворешни соработници.
