Советот на модни дизајнери на Америка (СФДА) најави дека Наоми Кемпбел ќе ја прими наградата Модна икона 2018. Наградата ќе ѝ биде доделена на 4 јуни, на церемонијата на доделувањето на наградите СФДА од најдобрите американски модни дизајнери.
Наоми во медиумите изјавила дека ѝ е чест да биде препознаена од Советот за овогодишната награда Модна икона, дека пораснала во модната индустрија и дека е неизмерно им е благодарна на американските модни дизајнери, кои ја поддржувале и ја славеле во нејзината кариера.
Од првиот црномурест модел што се појави на насловните на францускиот „Вог“ и „Тајм“ до целоживотна муза на Азедина Алаја, Наоми во целост претставува вистински супермодел.
Претседателката на СФДА, Дијан вон Фурстенберг, ја опишала Наоми во една реченица: „Од детско чудо до божица на модата, Наоми претставува убавина, активизам и радост на животот.“
Наоми ѝ се придружи на листата свои пријатели и други личности што ја добиле истата награда, а меѓу нив се Ријана, Дејвид Боуви, Бијонсе, Фарел Вилијамс и Кејт Мос.
Дизајнерите Дијан вон Фурстенберг, Нарцисо Родригез и Каролина Херера ќе добијат признание за позитивни промени, животно дело и награда на основач. Во годината во која помина многу време оддавајќи почест на наследството на својот брат Џани, Донатела Версаче ќе добие меѓународна награда.
