Поранешната прва дама на САД објави дека насловот на нејзината прва книга мемоари ќе биде „Станување“, а ќе бидат објавени на 13 ноември годинава, на 24 јазици низ светот.
– Пишувањето на мемоарите беше длабоко лично искуство… како мало девојче од Чикаго го откри својот глас и разви сила што ја искористи да охрабри други луѓе – посочила Мишел Обама.
Издавачот на книгата на Мишел забележал дека мемоарите се невообичаено интимно пресметување од жена од душа и супстанција, која непоколебливо им пркосеше на очекувањата и чија приказна инспирира да го сториме истото.
Нејзиниот сопруг и поранешен претседател на САД, Барак Обама, ги пишува своите претседателски мемоари, кои треба да бидат објавени во 2019 година.
