Ирскиот пејач Боно Вокс се извинил по медиумските извештаи дека во невладината организација „Уан“, чиј соосновач е тој, имало полово вознемирување и малтретирање.
Педесет и седумгодишниот Боно изразил жалење, изјавувајќи дека бил бесен по обвинувањата објавени во британски медиуми и додал дека ќе се сретне со жртвите, на кои сака лично да им се извини.
„Дејли мејл“ објави за низа инциденти во невладината организација, меѓу кои и случај на мажена жена, која наводно била преместена на полошо работно место зашто одбила да има секс со танзаниски функционер.
– Искрено жалам, не поднесувам напаствување – изјавил Боно Вокс, истакнувајќи дека организацијата постои токму поради борба против злосторства врз најсиромашните луѓе.
Адвокатите на седум поранешни вработени во организацијата поднеле кривични пријави барајќи отштета поради претрпена емоционална, физичка и психичка траума.
ФОТО: EPA/MATTEO BAZZI
