Обединетите нации соопштија дека конвој со хуманитарна помош денеска почнал да влегува во градот Доума во сирискиот реон Источна Гута кој е под контрола на бунтовниците.
Агенцијата на ОН за хуманитарни пршања на Твитер информира дека во конвојот има камиони со медицинска помош и храна за 27.500 луѓе.
Претставник на Светската здравствена организација за некои светски агенции изјавил дека припадници на сириските власти од камионите во конвојот ја извадиле опремата за хирургија и лекување рани, пред возилата да тргнат кон Источна Гута.
Денешниот конвој, кој според некои медиуми, веќе стигнал до жителите на Источна Гута, е прва дозволена испорака на помош за областа во изминатите три недели.
Во Источна Гута, каде живеат околу 400.00 луѓе, во изминатите две недели биле убиени повеќе од 600 цивили. Областа со месеци е под опсада и секојденвни бомбардирања.
