Филмови со верска тематика се снимаат повеќе од кога било во историјата. Од главно уметнички филмови, какви што беа квалификувани во минатиот век, па и на почетокот на овој милениум, тие прераснаа во мултимилионски бизнис, сметаат познавачите.
– Филмовите засновани на религиите, можете спокојно да ги сместите во жанровите кои носат заработка на благајните, смета филмскиот критичар Пол Дергарабедијан.
Сепак, тој истакнува дека има еден важен предуслов.
– Тие (филмови) мора да бидат автентични. Во спротивно, верниците ќе знаат дека тоа е вештачки направено – додава критичарот.
