Словенечкиот производител на апарати за домаќинство „Горење“ добил четири понуди за потенцијално стратешко партнерство, објави државната телевизија на Словенија.
Рокот за собирање на необврзувачките понуди измина пред два дена. Сите понудувачи се активни во индустријата на кујнски апарати и доаѓаат од Азија.
„Горење“ до 13 март ќе ги разгледа примените понуди, по што потенцијалните вложувачи ќе ги повика на „длабинско снимање на работата во компанијата“.
По објавувањето на информацијата, акциите на „Горење“ на Љубљанската берза се зголемија за 8,56 отсто.
