Копачи на злато извршиле инвазија на фарма на поранешната прва дама на Зимбабве, Грејс Мугабе, објави весникот „Њуздеј“.
Откако не успеала да се справи со нив, таа случајот го пријавила во полиција.
Во нејзиното соопштение се наведува дека таа била „шокирана кога видела 400 лица како илегално бараат злато“.
Кога им се спротивставила, еден од работниците и рекол дека таа веќе нема моќ за да ги избрка.
Фармата се наоѓа во Мазови, од каде таа протерувала селани во 2015 година, кога нејзиниот сопруг Робет Мугабе беше претседател на државата.
