„ЕуроНикел“ предлага пат за излез од стечајот за „Фени“. Поддржувајќи ја компанијата во најтешкиот период и по успешното рестартирање на производството, имаме сериозен предлог до сите должници на „Фени“ и цврст инвестициски план за раст и успех на компанијата.
„ЕуроНикел“ започна постапка за исплата на сите побарувања од „Фени Индустри“ на сите признати доверители кои се дел од стечајната маса. Веќе во следните неколку дена, 60 отсто од сите побарувања на доверителите ќе бидат исплатени, а останатите 40 отсто ќе бидат исплатени во период од една година по вообичаената детална анализа и преглед на документацијата со побарувањата. Ова ќе стави крај на неизвесноста за „Фени Индустри“ и 100 отсто од прифатените побарувања во стечајната постапка ќе бидат исплатени. Доверителите се покануваат да се состанат со претставниците на „ЕуроНикел“ во наредните денови, со цел да ги достават своите барања и да ја комплетираат постапката.
Денес имаме јасен и опиплив знак на стабилизација и успешно враќање на производството. Тоа е резултат на напорната работа на вработените во ФЕНИ и компетентноста на ГСОЛ – „ЕуроНикел“. ГСОЛ веќе инвестираше над 20 милиони евра во иднината на „Фени“ и работи на тоа да го направи „Фени Индустри“ водечки европски производител на фероникел. ГСОЛ – „ЕуроНикел“ е исто така најверодостојниот инвеститор во „Фени“ кој потпиша договор за соработка и успешно го врати „Фени“ во производство за само 30 дена. ГСОЛ – „ЕуроНикел“ успеа да ги достави сите потребни природни и финансиски ресурси во фабриката за производство и ги прифати долговите на сите вработени во стечајната постапка, велат од компанијата.
– По денешното успешно враќање на производството, исплатата на сите доверители на „Фени Индустри“ е со цел да се реши сегашната ситуација, да се стави крај на неизвесноста на вработените, како и сите соработници на „Фени“, да се даде конкретна слика за иднината и да се осигура позитивен развој. Со сите чекори и иницијативи што се преземени досега од нас, покажавме дека ги имаме финансиските ресурси, оперативниот капацитет, природните ресурси и знаењето за управување со „Фени“. Целокупната исплата на сите побарувања е дел од исполнувањето на ветувањето што го дадовме на самиот почеток, дека нашата цел и намера е долгорочна иднина за „Фени Индустри“, да произведува со полн капацитет и да стане лидер во преработката на фероникел на европскиот пазар. Нашите финансиски и оперативни заложби денес почнаа да даваат резултати кои се од корист како за локалната, така и за пошироката заедница, вработените во „Фени“ и сите партнери на комбинатот – рече Маркос Камхис, директор на ГСОЛ, матична компанија на „ЕуроНикел“.
