„Фени Индустри“ заедно со „ЕуроНикел“ влегува во нова фаза каде почнува да се насочува кон перспективна и извесна иднина. „ЕуроНикел“ и нејзината матична компанија, ГСОЛ достигнаа значајна пресвртница со осигурените и необезбедени кредитори на „Фени“ во стечај. Договорите се потпишани и направени се првите исплати, додека последните преостанати доверители се во процес на поднесување на нивните барања до „ЕуроНикел“.
Откако „ЕуроНикел“ ги рестартираше производните капацитети и успешно започна со производството во фабриката, сега презема стратешки, долгорочни, инвестициски чекори за стабилноста, растот и развојот на компанијата. Со ова, „ЕуроНикел“ продолжува на патот кон побрз излез на „Фени“ од стечајот преку организирано реструктуирање.
„Задоволни сме што го потпишавме договорот со банките и другите доверители, со што се потврдува нашата посветеност и сериозни и долгорочни планови како инвеститор во комбинатот. Досега подготвивме повеќе од сто договори со доверителите, а со останатите секојдневно сме во комуникација, со цел да ги забрзаме нивните исплати. Нашиот главен приоритет е комплетирање на побарувањата на кредиторите и излезот на „Фени“ од стечајниот процес” – изјави Герасим Кујунџиев, македонски директор на „ЕуроНикел“.
Целта на ГСОЛ и „ЕуроНикел“ е да се искористат сите знаења и експертиза, што ги поседуваат како признаен и искусен инвеститор во металната индустрија, како и со финансиските ресурси и оперативниот капацитет, да го потврдат статусот на „Фени“ како стратешки производител во земјата и како лидер во индустријата на фероникел во Европа и пошироко.
„Со посветеност и одлучувачки чекори, ги поддржавме нашите намери да создадеме ветувачка и светла иднина за „Фени Индустри“. Секој чекор што „ЕуроНикел“ го презеде досега е во оваа насока. Со депонирање на средства кај банките кредитори, плаќање на доверителите на „Фени“, вклучувајќи ги и необезбедените, решавање на проблемот со транспортерите, како и обезбедување плата на вработените и ресурси за отпочнување со производство, ги демонстриравме нашите јасни и недвосмислени намери за „Фени Индустри”- рече Маркос Камхис, директор на ГСОЛ, матичната компанија на „ЕуроНикел“.
Сите овие активности се дел од заедничките напори на „ЕуроНикел“, заедно со сите вработени и партнери, за градење и развивање добри и заемно продуктивни односи во корист на сите засегнати страни и пошироката заедница.
