Американскиот медиумски гигант Дизни денеска соопшти дека создал ново одделение во компанијата кое ќе биде задолжено да подготви платформа за емитување содржини преку интернет.
Со овој долго очекуван чекор, Дизни најави дека ќе почне да се бори за дел од дигиталниот колач на компании како Нетфликс и Амазон. Според Кевин Мејер, директор на Дизни за стратегиски прашања, новата дигитална понуда ќе почне да функционира при крајот на 2019 година. Се очекува дека тоа ќе значи повлекување на актуелните содржини на Дизни од Нетфликс и нивно нудење ексклузивно преку новата платформа на Дизни.
Акциите на Дизни на берзата во Њујорк пораснаа за 0,5 проценти откако беше најавен новиот чекор на компанијата.
Фото: EPA/JUSTIN LANE
