Вчера повторно еруптираше вулканот Анак Кракатау, кој претходно предизвика цунами и поради кое загинаа над 280 лица.
Локалните власти соопштија дека се разурнати стотици домови и други објекти.
Цунамито откорнало и голем број дрва кои ги блокираа патиштата, што го отежува пристапот на спасувачките екипи до настраданите.
Агенцијата за метеорологија, климатологија и геофизика апелираше до локалните жители и туристите да стојат подалеку од брегот, нагласувајќи дека тоа предупредување ќе биде во сила до 25 декември.
– Ве молиме да не се приближувате до плажите. Оние кои се евакуирани се молат се уште да не се враќаат дома – соопшти Агенцијата.
Сега кога вулканот повторно исфрла чад и пепел, Индонезија стравува дека може да дојде до уште една катастрофа.
ФОТО: Принтскрин
