Делот од телото со кој го почнува туширањето, кажува многу за човекот, за неговиот карактер и навики, објави порталот „Брајтсајд“, посочувајќи конкретна листа со делови од телото и што тие говорат.
Доколку туширањето го почнувате со миење на лицето, тоа значи дека вам ви е особено важна негата на сетилата (за мирис, вкус, вид, слух и допир), но и важно ви е што другите луѓе говорат за вас. Честопати сте анксиозни, фрустрирани и под стрес. Тешко ви паѓаат лошите гласини кои ги слушате за себе.
Ако пак, прво ги триете рацете и нозете, веројатно сте приземна и скромна личност на која и е важна пред сѐ, сопствената сила. А, ако почнувате со пазувите, најверојатно ве красат особини на популарна, самоуверена, вредна и работлива личност.
Ако туширањето го почнувате со интимните делови од телото, Вие сте повлечена и затворена личност, со ниска самодоверба. Прилично сте незабележливи во околината, но оние кои ве познаваат, знаат дека сте искрени и се чувствуваат убаво во ваше друштво.
Доколку вниманието најпрво им го посветувате на градите, вие сте самоуверена, самозадоволна, пракична, одлучна и самостојна личност.
Косата како приоритет, е знак за ред и дисциплина. Почнувајќи „од врвот“ покажувате дека сте практични и знаете да управувате со своето време.
Најпедантните луѓе, пак, прво ги мијат вратот и рамењата, кои се симбол на товарот што го носат. Вие сте амбициозни, со натпреварувачки дух, а истото го очекувате и од другите.
Поради чувствителноста на ’рбетот и нервниот систем, грбот симболизира самосвест и трезвеност. Не верувате во сѐ што ќе чуете, туку прво проверувате и преиспитувате.
