„Таен Дедо Мраз“ ги разубави празниците на стотици купувачи во американското гратче Кенет Сквер, во близина на Филаделфија, откако ги плати нивните долгови, направени кога земаат стока на вересија. Анонимниот добродетел платил речиси 30.000 долари.
Локалниот жител Енди Рамфорд за весникот „Дејли локал“ изјави дека бил шокиран кога дошол да го плати долгот од 150 долари во локалниот супермаркет „Волмарт“ а касиерката му рекла дека некој исшишал чек на 29.000 долари и ги платил долговите на сите купувачи.
– Поради такво нешто и самиот посакуваш да правиш добри дела – вели Рамфорд.
Вработен во Волмарт изјави дека лицето кое ги платило сметките побарало да остане анонимно.
Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.
