Создаваме можности околу 60.000 деца да добиваат детски и образовен додаток, рекол портпаролот на СДСМ, Костадин Костадинов. Ова го соопштија од Центарот за комуникации со јавноста на СДСМ.
Тој изјавил дека се повеќе пари се враќаат назад кај граѓаните, во семејствата, кај работниците, пензионерите, кај социјално ранливите граѓани.
– Во годината зад нас, реализиравме бројни мерки што обезбедуваат повисок животен стандард и повеќе пари кај граѓаните, повеќе пари во секое семејство. Се отвори спиралата на раст на платите. За само две години просечната плата бележи раст од над 2.000 денари. Пензиите го следат растот на платите и трошоците за живот и за две години просечната пензија пораснала за околу 1.400 денари. Минималната плата ја зголемивме на 12.000 денари и ја изедначивме и за работниците од кожарската и текситлната индурстија. Со тоа над 90 илјади работници добиваат зголемена плата. Значи над 90 илјади работнички семејства имаат во просек повеќе од 2.000 денари зголемен приход секој месец, само од оваа мерка – изјавил тој.
Тој додал дека стечајните работници добиваат паричен надоместок од 7.596 денари месечно. Со неодамнешните измени на Законот за стечајци, тој вели дека се зголемил опфатот на 8.100 граѓани кои го добиваат овој надомест.
– Ја укинавме радиодифизната такса. Со оваа мерка финансиски ги ослободивме граѓаните и овозможивме во просек по 2.000 денари дополнителни средства да се слеваат во секое семејство, за период од една година, само со оваа мерка. Ја воведовме ефтината тарифа на струјата со што овозможивме 11 милиони евра да се вратат назад кај граѓаните. Просечно семејство односно домаќинство во земјава, само со оваа мерка добива околу 1.600денари повеќе пари, за период од една година – рекол тој.
Според неговите зборови, платите ќе продолжат да растат во сите сектори и во наредната година, за што, како што вели, се предвидени низа мерки во Буџетот за 2019 година.
– Вработените во образованието, здравството, социјалните центри, детските градинки, одбраната, војската, полицијата и судството добиваат повиоски плати за 5 отсто. Докторите специјалисти добиваат повисоки плати од 10 отсто. Преку зголемената државна поддршка за претпријатијата, платите ќе растат и во приватниот сектор. Значително се зголемува социјалната помош. Преку воведувањето на мерките гарантиран минимален приход и семеен пакет на права, лицата приматели на социјална помош, добиваат и до 300 отсто зголемена социјална помош – рекол тој.
