Творецот на познатиот цртан лик Сунѓерот Боб, Стивен Хиленбург почина на 57-годишна возраст од невродегенеративната болест АЛС, објави телевизиската мрежа Никелодеон.
– Со огромно жалење мора да Ви соопштиме дека Стив Хиленбург почина по битката со АЛС болеста. Тој беше наш сакан пријател и долгогодишен креативен партнер на Никелодеон. Нашите срца и мисли се со неговото семејство – се вели во соопштението на телевизиската мрежа.
Стивен Мекданел Хиленбург беше биолог, аниматор, режисер, писател, продуцент и уметник. Својата аниматорска кариера ја започна во 1992 година. Во 2017 година, тој објави дека страда од „болеста на Лу Гериг“, наречена АЛС.
Цртаниот филм за Сунѓерот Боб ја имаше својата премиера на 1 мај 1999 година и досега беа емитувани повеќе од 220 епизоди.
ФОТО: МИА
