Обединетото Кралство секогаш ќе биде со Гибралтар, изјави денеска во Брисел, британската премиерка Тереза Меј.
-Секогаш ќе преговараме во име на целото семејство на Обединетото Кралство, вклучувајќи го и Гибралтар“- рече Меј пред утрешните преговори со Унијата.
Таа рече дека проблемите со Гибралтар по повод излегувањето на Велика Британија од ЕУ се решени на конструктивен и разумен начин.
– Се осигуравме дека Гибралтар е покриен со целиот договор – рече Меј.
Гибралтар е прекуморска територија на Велика Британија , но на него право полага и Шпанија.
Шпанија претходно постигна договор со Европската унија по ова прашање.
