Производи од „Долче и Габана“ се повлечени од кинескиот интернет пазар поради бурни реакции по нивната последна реклама, јави Би-Би-Си.
На спорното видео, Кинеска јаде шпагети и пица со стапчиња, па многумина тоа го толкуваат како исмевање на кинеската култура и поттикнување негативен стереотип кон кинескиот народ.
Тоа отиде и малку подалеку, па познати јавни личности повикаа на бојкот на модниот бренд. Кусо потоа и основачот на модната компанија, Стефано Габана долеа масло на огнот со своите, според многумина, ксенофобични интернет коментари, по што следеше и официјално извинување.
„Долче и Габана“ откажа неколку ревии во Кина, и се соочува со огромна штета и губење на дел од тамошниот пазар, кој е навистина голем и може да им обезбеди значаен профит.
Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.
loading...
