Претседателот на САД Доналд Трамп денеска во 16: 30 по Гринич ќе има прес- конференција за изборите на средина на мандат.
Претходно денеска, тој објави дека Републиканската партија имала „голема победа”, иако ја загуби контролата врз Претставничкиот дом.
–Добив толку многу честитки од толку многу луѓе за нашата голема победа вечерва, вклучувајќи ги и другите земји кои ме чекаат со надеж да склучат трговски договори – напиша Трамп на Твитер.
Во друг твит, тој ги поздрави луѓето кои го поддржуваа и изјави дека „оние кои работеа со мене во текот на оваа неверојатна кампања за изборите на средина на мандат, одобрувајќи одредени политики и принципи, се справија многу добро. Тие, кои не го направија тоа, велат: „Збогум!”.
Трамп му честиташе на својот жесток поддржувач, Рон Десантис, за неговата победа на изборите за гувернер на Флорида.
ФОТО: EPA-EFE / MICHAEL REYNOLDS
