Британскиот престолонаследник принцот Чарлс, за време на училишниот распуст во Норфолк ги учел своите синови да собираат отпад, откри неговиот син Вилијам.
– Одевме таму со стапови и собиравме ѓубре во пластични ќеси. Си мислевме, па добро, ова е сосема нормално, сигурно сите го прават тоа – рекол војводата од Кембриџ во разговор за Би-би-си по повод 70-тиот роденден на татко си.
Од Би-би-си имале ексклузивен пристап до принцот Чарлс изминатите 12 месеци, снимајќи го филмот „Принц, син и наследник: Чарлс на 70“. Филмот ќе биде прикажан на 8 ноември. Во документарецот, Вилијам заедно со својот помал брат Хари, го коментираат говорот на Чарлс од 1970 година, во кој тој предупредува на опасноста од пластичен отпад и како тој кај нив ја поттикнувал еколошката свест.
– Понекогаш по училиште ќе застанев за да соберам ѓубре. Го правев тоа затоа што буквално сум програмиран да го правам тоа, затоа што тоа го прави и мојот татко и сите би требало да правиме така – објаснил принцот Хари.
