Извештај на Обединетите нации наведува дека околу 486 милиони луѓе во Азија и тихоокеанскиот регион страдаат од недохранетост и нема напредок во намалувањето на гладот.
Во извештајот на Организацијата за храна и земјоделство (ФАО) и уште три агенции на ОН објавен денеска се вели дека повеќе од половина деца во светот, кои се недохранети, живеат во Азиско-Тихоокеанскиот регион.
Гладта предизвикува пречки во развојот и траен инвалидитет, а ситуацијата се усложнува поради недостаток на постојан пристап до храна и лошите санитарни услови, дури и во големите градови и релативно просперитетна земји.
Главната причина зошто луѓето сè уште гладуваат е сиромаштијата и нееднаквиот пристап до добра храна, чиста вода и тоалети. Многу од погодените од гладот работат земјоделство или во сивата економија и не можат да се потпрат на социјална помош во време на криза или да купат доволно храна за своите деца.
ФОТО: МИА
