Германскиот индустриски конгломерат Сименс се враќа на своите корени, најавувајќи до 600 милиони евра инвестиции во развојот на технолошки парк во индустриска зона во Берлин.
Компанијата има намера да изгради нов Сименсштат во берлински кварт, каде веќе имало нивни фабрики кон крајот на 19 век.
Целта на новиот проект во Спандау на површина од 70 хектари, ќе претвори голема индустриска зона во модерен, урбан кварт од иднината, со цел да се поттикне иновацијата и соработката меѓу науката и компаниите, наведуваат во Сименс.
Како дел од проектот на земјиштето на Сименс во Спандау, технолошкиот парк и претприемачки инкубатор ќе бидат изградени до крајот на 2030 година.
Сименсштад ќе биде седиште на активности во сегменти како што се системи за дистрибуција на енергија и управување со енергија, технологија за електрични возила, вештачка интелигенција, анализа на податоци и блокчеин, наведуваат во германската компанија.
ФОТО: Сименс
