Легендарниот рокер Џон Бон Џови даде интервју кое ја воодушеви јавноста и сигурно ги разбесни сите кои ги спомна – всушност, сите оние кои се ставаат во кошот на „модерната славна култура“.
Бон Џови ја коментираше денешната експанзија на ријалити шоуа ширум светот, велејќи дека своето време не го губи гледајќи го семејството Кардашијан или „Вистинските домаќинки“.
– Сметам дека ужасно е тоа што живееме во таков свет и ви гарантирам дека не би дал ниту 60 секунди од својот живот на тие „бла, бла“ емисии, Кардашијанки или слични. Не ги знам нивните имиња, никогаш не сум ги гледал, тоа не е за мене – вели 56-годишниот рокер за австралискиот магазин „Сандеј проџект“.
Бон Џови исто така го коментираше и сексвидеото на Ким Кардашијан и Реј Џеј од 2007 година.
„Што ќе пишува во автобиографијата на Ким Кардашијан? Снимив порновидео и станав позната. Извинете, но мене тоа не ме интересира“, рекол Бон Џови.
– Напишете книга, насликајте слика, глумете, студирајте, свирете…Славата е нуспојава од пишување на добри песни – истакнал Џон Бон Џови.
Џон Бон Џови претходно беше дел од продукцијата на реалното шоу „Ако не бев рокѕвезда“. Меѓутоа, тој вели дека тоа шоу ги славело мажите и жените кои биле вистински рок ѕвезди, што не го спречи да биде дел од таа приказна.
