Граѓанската иницијатива „Го сакам Водно“ бара итно прекинување на активностите за изградба на гасоводот низ Водно заради, како што велат, загрозувањето на животот на работниците на терен и игнорирањето на мерките за заштита од ерозија.
– Се работи на исклучително тежок терен со наклони од 63 отсто во должина од 107 метри, од 71 отсто во должина од 163 метри… Работниците треба да ги носат багерите во амбис, зошто така оди трасата на гасоводот. Треба да го ризикуваат својот живот за да продолжи изградбата на гасоводот низ Водно по секоја цена – велат од „Го сакам Водно“.
Според нив, не се применуваат мерките за заштита од ерозија кои се потребни на сите наклони поголеми од 20 отсто во парк шумата Водно иако, како што посочуваат преопрачано е да се имплементираат низ целата делница.
– Мерките не се применуваат зошто не е завршена постапката за јавна набавка за избор на фирма која ќе ги спроведе – велат од Граѓанската иницијатива.
Тие иформираат дека Планот за заштита од ерозија по нивно барање пред еден месец е доставен до МЕР и до Министерството за транспорт и врски.
За нив е симптоматично и обновувањето на решението за сеча од градоначалникот на Град Скопје Петре Шилегов, а велат дека е можен фалсификат и Студијата за влијание врз животнат средина, бидејќи еден од професорите потпишан како соработник сам јавно истакнал дека првпат слуша за изработка на таков проект.
Од Грашанската иницијатива велат дека посебен проблем е немањето дозвола или мислење од Министерството за одбрана за градба на гасоводот во непосредна близина на бункерот во кој е сместена главната противвоздушна одбрана на Скопје.
Тие потсетуваат дека не се донесени и законите за Водно и Матка кои се внесени во владините заклучоци од 22 август годинава
