Научниците веруваат дека породувањето во Вселената би можело да стане реалност за шест години, колку тоа и да наликува на научна фантастика.
Компанијата „СпејсЛајф ориџин“ (SpaceLife origin) со седиште во Холандија објави дека планира првото породување во Вселената да се случи во 2024 година, поради што бара доброволци.
Портпаролот на фирмата изјави дека мисијата ќе трае од 24 до 36 часа, а во Вселената со бремената жена би бил испратен и добро обучен медицински тим.
– Внимателно подготвениот и надгледувам процес ќе ги предвиди сите потенцијални ризици за мајката и бебето, според стандардите кои се применуваат на Земјата – истакна портпаролот на „СпејсЛајф ориџин“ .
Целта на планот е да се подготви терен за човечка колонизација на Вселената, со тоа што би се овозможило човекот да се репродуцира на другите планети.
