Бизнис форум и деловни средби меѓу стопанственици од Македонија и Естонија ќе се одржат денеска во Скопје.
Форумот го организираат Стопанската комора на Македонија и Стопанската комора за трговија и индустрија на Естонија, со цел унапредување и интензивирање на економската соработка помеѓу девет држави.
Најавените активности се во рамки на посетата на бизнис делегацијата од Естонија, предводена од амбасадорот Вајно Реинарт, потсекретар за развој и економски работи на Министерството за надворешни работи на Естонија, а во соработка со Стопанската комора за трговија и индустрија на Естонија.
Во делегацијата ќе бидат присутни и еминентни естонски бизнисмени од повеќе сектори, со кои што македонските компании ќе имаат можност да остварат директни бизнис-средби, најави Стопанската комора на Македонија.
Домаќин на бизнис делегацијата од Естонија ќе биде Антони Пешев, претседавач на Собранието на Стопанската комора на Македонија.
