Ќе се доградува локалниот пат од росоманското село Камен Дол до соседното село Мрзен.
Договорот денеска го потпишаа градоначалникот на Росоман Бранко Јанев и претставник на фирмата којашто ќе ги изведува градежните работи.
– Проектот е финансиран од Министерството за локална самоуправа – Биро за регионален развој, а е кофинансиран од росоманската локална самоуправа- информираат од Службата за односи со јавноста при општината.
Вкупната сума на инвестицијата е 3.401.173 денари.
