Полицијата во вторникот вечерта добила повик дека куќата на пејачката Ријана е ограбена. Полицајците веднаш дошле на местото на настанот и почнале да истражуваат.
Во Холивуд Хил, во крајот каде што се наоѓа нејзината куќа во Лос Анџелес настанал општ хаос. Полициските автомобили го опколиле целиот регион, за да можат веднаш да ги пронајдат сторителите на ова кривично дело.
Три лица се осомничени дека влегле во куќата, а звучниот аларм и светилките што почнале да се гасат и палат дале знак за тревога.
Полицијата соопшти дека тројцата осомничени пристигнале во автомобилот кој постојано бил вклучен. Сè уште не е познато што сè однеле – пишуваат странски медиуми.
Тимот на Ријана одбил да го коментира настанот, но за среќа, пејачката не била дома за време на грабежот.
