Балетската претстава „Либертанго“ ќе биде изведена во среда во 20 ч. на сцената на МОБ.
Претставата е приказна за настанувањето на тангото, танц кој настана на улиците на аргентинските градови и ги достигна врвовите на уметничкиот Олимп. Приказна поврзана со историјата на семејството Пјацола и уметничкиот раст на Астор Пјацола со кој се искачи на пиедесталот на светската танцова сцена. Тангото е танц на љубовта, љубовната болка, љубомората, страста.
Танго танцот ќе биде во изведба на солистите и ансамблот на балетот на МОБ. Кореограф е Сабрина Боско (Италија), режисер и либретист е Наташа Поплавска, додека костимограф и сценограф е Александар Ношпал.
Главните улоги ги толкуваат: Асунта Манети Пјацола – Александра Мијалкова, Висента „Нанино“ Пјацола – Васил Чичијашвили (Грузија), Марија Нивес Раго – Мими Поп Алексова Атанасовска, Хуан Карлос Копес – Игор Веланоски, Карменсита Калдерон – Наташа Јосифовска, Деде Вулф – Саша Ефтимова.
Во останатите улоги настапуваат солисти на балетот како и комплетниот балетски ансамбл.
