Грчките власти повлекле од пазарите за овошје и зеленчук во Атина 4,6 тони домати увезени од Албанија и од Италија, поради големо присуство на опасни пестициди.
Целата количина, дистрибуирана од грчка компанија, ќе биде уништена бидејќи се опасни за косумирање.
Веста за откривање на домати со постициди е објавена на официјалната веб страница на грчката агенција која врши контрола, но исто така и од грчките и албанските медиуми.
Тиранската телевизија Топ чанел неколку месеци по ред алармираше за скандалот со пестициди, кои се употребуват без критериуми и неконтролирано.
-Министерството за земјоделство, првично ја игнорираше оваа појава и молчеше, за да на крај неговите претставници признаат дека во Албанија влегле шверцувани и опасни пестициди. Еден од нив беше пестицидот метанол 90 кој е забранет за употреба. Секој ден од Албанија, во други,пред се соседните земји, се извезуваат по 200 тони домати – наведува Топ чанел.
Од албанското Министертвото за земјоделство,за телевизијата изјавиле дека немаат официјално соопштение од грчките колеги и оти во текот на годинава немаат ни еден случај на поплака за безбедноста на доматите произведени во Албанија во системот RASFF – Food and Feed Safety Alerts. Од таму додаваат дека доматите се откриени на пазар а не на граница што ја доведува во прашање земјата на нивното потекло.
Албанските фармери годинава во Грција имаат продадени над 514 тони домати.
