На градилиште на луксузен хотел во центарот на Мадрид вчера загина работник, при уривање на скеле на кое работел, а најмалку 11 лица се повредени.
Според соопштението на брзата помош, железното скеле на шестиот кат на хотелот Риц паднало околу 16 часот, со себе уривајќи ја конструкцијата и работниците кои биле на неа пет ката пониско.
Повеќето работници се спасиле сами и набрзо примиле лекарска помош, а двајца се хоспитализирани и се во тешка состојба.
Пожарникарите извлекле три лица од под урнатините со повреди од среден степен, а се обидувале да го извлечат и телото на настраданиот работник.
Локалната полиција ја испитува причината за несреќата, која брзата помош на Твитер ја окарактеризира како „несреќа на работно место“.
Овој хотел е затворен поради реновирање во март годинава.
ФОТО: Твитер
