Општините се заинтересирани да користат државна помош за вградвање фотоволтаични системи на јавни објекти. На повикот се добиени голем број апликации од 30-те општини од региони со понизок БДП по глава на жител. На располагање се два милиони евра грант средства од ИПА на ЕУ.
– Станува збор за околу 30 општини тие аплицираа со проекти преку кои ќе постават фотоволтаични системи во објекти на училишта, противпожарни станици, административни згради, печистителни станици.. – изјави министерот за финансии Драган Тевдовски.
Тој оцени дека е најважно оти градоначлниците и општините имаат навистина интерес да ја подобрат ефикасноста, односно да ги намалат трошоците пред се на електрична енергија со користење на вакви системи.
– Ова е добро бидејќи од една страна на Република Македонија ќе го подобри користењето на обновливата енергија, а од друга страна ќе ги намалиме трошоците бидејќи овие системи во јавни објекти ќе ги намалат трошоците – рече Тевдовски.
Тој појасни дека ќе следи анализа на проектите, а потоа ќе се влезе во фаза на тендерирање и обезбедување на фотоволтаични системи.
Грантот е наменет за 35 општини во четири региони со најнизок БДП по глава на жител. Средствата на општините им се доделуваат во форма на грантови и истите треба да придонесат за подобрување на инфраструктурата во руралните средини.
