Американскиот претседател Доналд трамп изјави вечерва дека ја откажал посетата на државниот секретар Мајк Помпео на Северна Кореа бидејќи не е постигнат доволен напредок кога станува збор за денуклеаризацијата на Корејскиот полуостров.
– Побарав од државниот секретар Мајк Помпео сега да не оди во Северна Кореа, објави Трамп на Твитер.
Тој додал дека смета оти не е постигнат напредок за денуклеаризацијата на Корејскиот полуостров.
-Освен тоа, поради нашиот многу тежок однос со Кина мислам дека Пекинг повеќе не помага во таа мерка во процесот на денуклеаризација како што тоа го правеа претходно, напиша Трамп.
Тој додаде дека Помпео ќе ја посети Северна Кореа во блиска иднина и дека тоа ќе се случи кога ќе се решат американско-кинеските трговски односи.
Помпео требаше следната недела да ја посети Северна Кореа.
